Kryeprokurorja znj.Arta Marku mori pjesë në konferencën ndërkombëtare të Parisit

Prokurori i Përgjithshëm znj.Arta Marku mori pjesë në ceremonitë e 10-vjetorit të Rrjetit të Prokurorëve Publikë, ose institucioneve ekuivalente të Gjykatave Supreme të vendeve të Bashkimit Evropian, i njohur si “Rrjeti Nadal”.

Ftesa për znj.Marku u dërgua nga z.Jean-Claude Marin, Prokurori i Përgjithshëm pranë Gjykatës së Kasacionit të Francës dhe kryetar i “Rrjetit Nadal”.

Ceremonitë u zhvilluan ndërmjet datave 16-18 maj 2018 në Gjykatën e Kasacionit në Paris, në prani të ministrit të Drejtësisë së Francës znj.Nicole Belloubet.

Shqipëria nëpërmjet zonjës Marku si Prokuror i Përgjithshëm mori pjesë për herë të parë në takimet e “Rrjetit Nadal”.

Shqipërisë iu dha gjithashtu për herë të parë statusi i vëzhguesit, që e mbante Moldavia dhe Serbia.

Pjesëmarrësit u takuan fillimisht në pritjen zyrtare të mirëseardhjes në Shtëpinë e Urdhrit “Legion d’Honeur” mbrëmjen e 16 majit.

Takimet e punës u zhvilluan te Gjykata e Kasacionit prej mëngjesit të 17 majit deri pasdreken e 18 majit 2018.

Zonja Marku zhvilloi takime me homologë dhe titullarë përfaqësues të institucioneve të barazvlefshme të vendeve të Bashkimit Europian.

Tema kryesore e sesionit plenar ishte: “10 vjet të Europës në fushën juridike, progresi, pritshmëria dhe prospekti”.

 

Prokuroria Shqiptare

Prokuroria ushtron ndjekjen penale, si dhe përfaqëson akuzën në gjyq në emër të shtetit. Qëllimi i punës sonë është që para drejtësisë të vihen një numër sa më i madh personash, që kanë kryer vepra penale.

Denonco

Ftojmë të gjithë qytetarët që kanë informacione për abuzime të prokurorëve dhe të zyrtarëve të tjerë në çdo institucinon publik, të denoncojnë në këtë adrese postare.

publikime

Adresa

Rruga Qemal Stafa (Tirane)
Tel: 042282000
 
 
© 2014 Prokuroria Shqiptare. Të gjitha të drejtat e rezervuara.