Njoftime për Shtyp
Njoftim për rezultatin e zgjedhjeve dhe shpalljen e fituesit për anëtarë të Këshillit të Lartë të Prokurorisë
Njoftim për rezultatin e zgjedhjeve dhe shpalljen e fituesit për anëtarë të Këshillit të Lartë të Prokurorisë
Në datë 4.10.2019 në hotel “Tirana “ u thirr mbledhja e përgjithshme e prokurorëve për zgjedhjen e anëtarit prokuror të Këshillit të Lartë të prokurorisë. Në mbështetje të neneve 111 e vijues të ligjit nr. 115/2016 “Për organet e qeverisjes së sistemit të drejtësisë”, Komisioni i Votimit me përbërje:
Thoma Jano – Kryetar,
Alma Muça – Anëtar,
Bilbil Mete - Anëtar.
Komisioni, pasi administroi gjithë dokumentacionin e votimit, numëroi votat dhe përpiloi procesverbalin përkatës. Në përfundim të procesit të votimit të Mbledhjes së Përgjithshme të Prokurorëve për zgjedhjen e 1 (një) prokurori pranë gjykatave të shkallës së parë si anëtar i Këshillit të Lartë të Prokurorisë, ku morën pjesë në votim 253 (dyqind e pesëdhjetë e tre) prokurorë, u shpall fituese znj. Esmeralda Keshi (Cami) me 133 vota. Ndërsa z. Vladimir Mara u rendit i dyti me 109 vota.