Njoftime për Shtyp

Ditën e djeshme Prokurori i Përgjithshëm Z.Olsian Çela priti në një takim ambasadorin e OSBE-së në Tiranë Z. Mishel Tarran. 
Gjatë takimit u diskutua për bashkëpunimin e deritanishëm dhe asistencën e dhënë nga OSBE për sistemin e prokurorive të juridiksionit të përgjithshëm. 
Prokurori i Përgjithshëm falënderoi ambasadorin e OSBE-së për kontributin dhe vlerësoi rolin e organizatës që ai përfaqëson në forcimin e kapaciteteve institucionale të prokurorisë. 
Deri tani, me mbështetjen e OSBE, janë organizuar një sërë trajnimesh për prokurorët dhe oficerët e policisë gjyqësore me fokus tek provat elektronike dhe krimi kibernetik, në kuadër edhe të manualit përkatës, hartimi i të cilit u realizua nga OSBE. 
Nga të dy palët u shpreh vullneti dhe u mor angazhimi për vazhdimin e mëtejshëm të bashkëpunimit në aspektet e mësipërme si dhe zgjerimin e tij edhe në fusha të tjera.