Njoftime për Shtyp

Prokurori i Përgjithshëm, z. Adriatik Llalla dhe ushtruesi i detyrës së Prokurorit të Shtetit të Kosovës, z. Sylë Hoxha, diskutojnë në Prizren lidhur me çështje me interes të përbashkët

Seksioni për Hetimin e Korrupsionit dhe Pasurive do të hetojë rastet e korrupsionit të gjyqtarëve, prokurorëve dhe funksionarëve të lartë, përfshirë të të zgjedhurve vendor. Kjo strukturë krijohet pas ndryshimeve ligjore, të cilat morën fuqi ligjore në Shtator 2014.

Prokurori i Përgjithshëm, z. Adriatik Llalla, prezanton kontributin e institucionit në luftën kundër korrupsionit dhe krimit të organizuar, në Konferencën “Mbi korrupsionin dhe Shoqërinë”, zhvilluar në Bukuresht të Rumanisë, në kuadër të 25-vjetorit të rënies së Murit të Berlinit.

Në vijim të hetimeve për vjedhjen e një sasie të konsiderueshme parash në Bankën e Shqipërisë, me kërkesë të Prokurorisë së Rrethit Gjyqësor Tiranë, gjykata ka vendosur masën e sigurisë “arrest me burg” për dy zyrtarë të lartë të këtij institucioni, të dyshuar për kryerjen e veprës penale të “shpërdorimit të detyrës”.

Prokuroria paraqet informacione mbi hetimin e deritanishëm për vjedhjen e një sasie të konsiderueshme parash në Bankën e Shqipërisë. Deri më tani janë arrestuar 10 persona, ndërkohë që po vijojnë hetime të zgjeruara lidhur me mekanizmin e vjedhjes, destinacionin e parave, hetimin pasuror, si edhe verifikimin e përgjegjësive në administrim në këtë institucion

Prokuroria e Përgjithshme kërkon nga Këshilli i Lartë i Drejtësisë (KLD) dhe Ministria e Drejtësisë të vlerësojnë procedurën që është ndjekur për vendimmarrjen e gjyqtarëve në disa gjykata të ndryshme të Shqipërisë, për të cilat, në vlerësimin e institucionit tonë janë tërësisht të pabazuar në ligj, në prova.

Prokurori i Përgjithshëm pret në takim përfaqësues të “LEAD-ALBANIA”, një grup të rinjsh shqiptarë, të përzgjedhur nga Fondacioni Shqiptaro-Amerikan për Zhvillim, ku u diskutua mbi rolin e institucionit në proceset integruese të Shqipërisë

Brenda muajit Shtator 2014, Prokuroria Shqiptare do të përgatisë Strategjinë për luftën kundër krimit të organizuar dhe korrupsionit për periudhën 2014-2017. Pikat kryesore; forcimi i kapaciteteve, bashkëpunimi ndërinstitucional dhe respektimi i Kodit të Etikës.

Prokurori i Përgjithshëm, z. Adriatik Llalla, ka kërkuar mirëkuptimin e Avokatit të Popullit të Republikës së Greqisë, znj. Calliope Spanou, për të vijuar me angazhimin maksimal në respektimin e të drejtave të njeriut të shtetasve shqiptarë në vendin e saj, sidomos për ata persona që gjenden në kushtet e paraburgimit dhe burgimit.